La Giornata Mondiale della Pizza e della sua magica arte napoletana, la celebriamo con una poesia di Raffaele Viviani.
” ‘O pizzaiuolo ” (1918)
“’A tengo cavera e chin’alice…
e si nun vaje giranne
comme e venghe st’atu paro ‘e pizze?
comme me retiro?
Che mm’ ‘e pporto a casa?
Mm’ ‘e cocco cu mmico?
’A lava ‘e ll’uoglio…
weee ..Ca io mme cocio
Songo asciuto a primma sera:
sto ‘a cinch’ore ‘mmiez’ ‘a via
Chistu ruoto è na surbettera
’E bullente
Nun so’ pizze, so’ taccuscelle
si nun e venghe, nun faccio sfriddo
me faccio taglia’ chiantelle
’A tengo cavera e chin’alice
Songo sempe pizze ‘e guerra:
fatte’ e vrenna e segatura:
p’ ‘e ttaglia’, ce vò na serra
nhe’ che io passo?
nhe che io me ne vache?
Quant’è bello chi già ha magnato.
ca nun crede a chi ha dda magna’
“’A tengo cavera e chin’alice! ‘O pezzaiuolo!
Nun ‘e vvonno mo?
E quann’è ddimane s’ ‘e mmangeno!
Doppo dimane… ‘a n’atu mese…
‘a n’at’anno… quanno facimmo n’ata guerra.
Chelle ‘e ppizze ccà stanno!
Chi nn’ ‘e ccaccia ‘a ccà?
Allora, vuie, ‘a capa mia nun ‘a sapite?
Eh! Io ddoie pizze ‘e tenette tre mmise,
facette ‘a trasfurmazione:
‘a ch’erano ‘nzogna e furmaggio
addeventaiene cu ‘e cicenielle
! Ma ‘e vvennette! ‘E vvennette
e chi se mangiaje
me ringraziaje pure
se jette a prisinta’ pe surdate
e ‘o rifurmaieno sotto ‘o colpo
A pizza, se tu non lo sai,
è stata distrutta dagli avvenimenti dell’Europa!
Si no, a quest’ora, si era imposta in tutto il mondo!
La guerra che ti ha fatto?
Ti ha sconvolta la società.
Chille ‘e coppa so’ gghiute sotto
e chille ‘e sotto so’ gghiute ‘ncoppa;
ed in tutto questo rimpasto sociale,
gli amatori della pizza addo’ stanno?
Scomparsi. Il tracollo del cambio poi che ha fatto?
Ti ha dato il tracollo anche alla pizza!
Il cambio è salito, e la pizza è scesa!
‘A pizza ched è?
È rrobba ‘e mangia’? Se fa cu ‘a farina?
E ‘a farina ‘a do’ vene? ‘All’estero
E la discesa della pizza è avvenuta
anche perché è salita di prezzo.
Apprimma, cu dduie solde,
avive na bella pizza cu furmaggio,
‘nzogna, pummarola, muzzarella.
Sentive ‘o profumo! Ah, te cunzulave!
Mo pave na lira e mmeza, na gnastella tanta
e si ce miette ‘o naso vicino,
cade ‘n terra fulminato! E perché?
Perché, dopo tutto, la materia prima
non è più buona come quella di una volta!
Ma tu ‘o ssaie
che quando c’è stata la conferenza interalleata a Genova,
la cosa più discussa è stata la pizza?
Del resto, la mia signora,
cu tutto ca comm’a mme sta con le mani in pasta,
in questa crisi, tene ancora nu debbole
p’ ‘o cazone, ‘mbuttunato
… Na vota io jevo a casa:
“Muglie’, che te vuo’ cena’?”
“Eh, famme nu cazone, cu nu poco ‘e rrobba ‘a dinto:
ricotta, supressata, ove, muzzarella…
” E mo ca ‘e tiempe so’ cagnate,
chella tene sempe ‘a stessa capa.
“Muglie’, che te vuo’ cena’
“Eh, famme nu cazone, cu nu poco ‘e rrobba ‘a dinto:
ricotta, supressata, ove, muzzarella…
” “Aspe’! Tu ‘o cazone ‘o puo’ ave’ ancora,
ma ‘a rrobba ‘a dinto… hê ‘aspetta’ c’avascia
Gesu’, si è detto che le robbe da mangiare
devono costare poco
E pecché, ‘a pizza nun è rrobba ‘e magna’?
Tu me puo’ dicere ca ‘o ccafè tuio
è ‘o ccafè ‘e primma d’ ‘a guerra?
Beh, stateve buone..
a tengo cavere e chine alice…o pezzaiuolo..
“E Vvoce ‘e Napule”
“Nu juorne p’e Parule
me ne jevo cantanne
“nata pianta ‘e garuofone
aruta ‘a menta e ‘a vasenicola”
quanno ‘ncuntraie ‘na nenna
“belli buche’ rose d’o mese ‘e maggio”
e guardanne speruto chill’uocchie nire
lle dicette:”ce vonne sulamente
sti curvine cca pe l’acquavite”
Essa aggrazziata e tonna
“patanella nuvella, cca friarie’, vruoccole’e rapa ”
me rispunnette a meza voce
” guaglio’ vieneme pruove”
e si ‘ pruove nun a lassa
‘a padrona d’a muscarella”
Tu pazzia? “e mo’ te ccoglie
e mo’ te vvengo a duie sorde”
Essa cu ‘o mussille d’o puntiglio
“So tutte e una livrera”
E io sempe cchiu’ spuntute
“sorema dice magnatella !
e magnate ‘a pizza cu ‘o fungetiello”
Na mano ‘mpiette a chella camicetta
cchiu’ liggera e ‘na seta
“so d’a Rocca, vi’ che belli cepolle”
e po’:”comme so belle ‘e ccosce e ronna
che t’addorano mmocca”
Essa schiattigliosa
“so belle e ccosce e quaglia!
cosce qqua!”
io sempe cchiu’ ‘nfucato
” e fatte chistu campo ‘ fave?”
essa facette ‘ o pizzo a risa
” a tengo nera nera ‘a molegnana”
E ch’aveva fa? Penzaie,
piglio e me lanzo
“tengo ‘a fava che schiatta ‘o tiano”
chella neh, se disturbaie:
“‘o cetrulo p’e vecchie prene!”
” E’ liigiero ‘o panzarotto
‘o mangne e sei e ‘o cacce e ll’otto!”
M’abbracciaje e m’astrignette
“‘o tengo cavere e chine alice”
Che calore mamma mia !
“Somma so’ è turnate ‘o cavere austo
“jammuncenne areta ‘o pagliaro!
‘Ncoppa ‘a aruta nuvella e ll’evera addirosa
hi che ‘nzalata!”
“chesta songhe e sotto ‘o vesuvio
nce scurruta ‘a lava e ll’uoglio”
Uh maronna! Papa’!
E mo’ ve ll’avite spusa’!
“s’è nfucato ‘o sole, na bella perziana”
” no io ve dico a vvuie ca v’a spusata”
-No io nun m’a sposo!
-ca si no , io vve faccio e vve dico!
-Vuie nun facite niente!
Frunnella ‘e rose, no pe timore
ma p’ onesta’ prieste ma sposo
pero’ a cumpenso m’avite da’:
duie cummo’ de pallessante,
‘na tulette cu ‘o lavante
nu stipone e ‘a cristalliera
segge, armadio e ‘a cefuniera
po’ nu lietto de rignante
biancheria de tela Olanda
tutte e commode’ ‘e cucina
dieci lire ogni matina
e pe patto e cundizione
pavarrate vuie ‘o pesone
si no, zetiello voglio resta’.